Evropa do t’i japë edhe 500 milionë euro ndihmë ushtarake për Ukrainën

Komisioni Evropian pritet të dyfishojë ndihmën ushtarake të BE-së për Ukrainën.

Shefi për Politikë të Jashtme, Josep Borrell njoftoi se KE ka propozuar caktimin e 500 milionë eurove të tjera për këtë qëllim.

“Të gjithë ishin plotësisht të vetëdijshëm se ne duhet të rrisim mbështetjen tonë ushtarake për Ukrainën”, tha Borrell gazetarëve.

Jam i sigurt se liderët do t’i miratojnë këto para”, tha ai.

BE po ashtu ka deklaruar se do të vendosin më shumë sanksione ndaj oligarkëve rusë.