Pamje kur nëna nga Istogu ‘hakmerret’ ndaj nxënësit që ia sulmoi me gurë djalin
Gjatë ditës së djeshme, ndodhi një përleshje mes nxënësve në shkollën fillore të mesme të ulët ‘Trepça’ në Banjë të Pejës në komunën e Istogut, ku një nxënës u rrah dhe u sulmua me gurë nga shoku i tij i klasës.
Nxënësi i klasës së pestë mori trajtim mjekësor, teksa rasti u denoncua edhe në Polici, raporton Gazeta Sinjali.
Por nuk mbaron me kaq, pasi që Policia ka inciuar rast ndaj nënës së nxënësit që u sulmua.
Ajo dyshohet se pas ndodhisë së rastit, ka marrë ‘hak’ duke sulmuar nxënësin që sulmoi me gurë djalin e saj.
Këtë e ka konfirmuar edhe zëdhënësi i Policisë për rajonin e Pejës, Fadil Gashi, i cili tha se nëna e viktimës dyshohet që e ka sulmuar fizikisht nxënësin dhe pas intervistimit, me urdhër të prokurorit, e dyshuara është liruar dhe rasti është inicuar si “sulm”.
Gazeta Sinjali ka siguruar pamjet nga kamerat e sigurisë, të cilat tregojnë se çfarë ndodhi në hollin e shkollës ‘Trepça’.
Në pamje shihet nëna e djalit 10-vjeçar, teksa i afrohet nxënësit që sulmoi me gurë fëmijën e saj dhe e godet me dy duart , ndërsa stafi i shkollës përpiqen ta largojnë.
https://fb.watch/bIyBD1rh7P/
Drejtori i shkollës, Nexhmedin Beqiraj, ka mohuar që ngjarja të ketë ndodhur brenda hapësirave të shkollës ‘Trepça”, për çka ata nuk marrin përgjegjësi.
