“Vjehrra s’më donte se isha nga fshati, pija shumë qetësues”, Fifi bën deklaratën e madhe për ish të dashurin

Fifi është njëra nga banoret më të përfolura të këtij edicioni të parë të Big Brother VIP.

Marrëdhënia e saj me Granitin ka bërë që dyshja të përfliten shumë, duke qenë se javën e kaluar ata kanë shprehur hapur pëlqimin që kanë për njëri-tjetrin, shkruan Reporteri.net.

Pavarësisht kësaj, ka raste kur këngëtarja nga Kosova i rikthehet historisë së kaluar që ka pasur.
Gjatë ditës ajo ka treguar se i dashuri i saj i ka thënë edhe ta linte muzikën, e madje ka treguar se nëna e tij nuk e ka pëlqyer atë.

“Nëna e tij nuk më donte pasi isha vajzë nga fshati. Kam pirë diazepam dhe qetësues të shumtë”, ka treguar këngëtarja.

Derisa mbrëmë, e pyetur nga Donaldi nëse do e puthte Graniti çfarë do bënte, Fifi është shprehur se edhe ajo do ia kthente me puthje, derisa ka shtuar se dëshiron ta njeh se si është pasi është vetëm fillimi.